ابوذيات روعــــه

من طرف زائر السبت مارس 01, 2008 2:39 am

مدوهن ماعرف شركه شماله
مصايب هالوكت يردف شماله
وحك من كطعوا يمينه وشماله
مطخن راس للدنيا الرديه

******

مظل بالدار بس الذيب وحداي
غريب بليل جلجل غيم وحداي
سرا ضعن الاحبهم حبف وحداي
غريب وشامت وطبعه الاذيه

******

لفاني الهم غطالي الكلب ويروح
يعمري الخلص بس لجمات ويروح
ماظن ليل الاسود خلص ويروح
طويل اظلم مطر تاهت عليه

*******

اريداكعد على الحبلين حفشه
وذليل المامشى بثنين حفشه
جنت يهواي دليل الما يحفشه
وشنو الرباط بهالابوذيه

*******

الدنيا خلافك وحشه ومره
ولا منك بعد جيه و مره
صورتك مره اضمنها ومره
اشوفنها وتوج نيران بيه

******

بعد ماأصطبيلك وانتبهلك
واحذر حيل مني وانتبه لك
انه بأهلي ازامط وانته باهلك
واذا اهلك زلم هدهم عليه

**********

يكلبي دوم حاربهم وعدهم
ذولة العاهدوا خانوا وعدهم
جثير اخوان من اكعد وعدهم
لجن بالمصايب شحوا علية

******

ياصاح شلونك بهجري وانة بعيد
لاجلك البس الاسود وانة بعيد
تكلي حيل احبنك وانة بعيد (نب عيد )
اكرر والصدى يرجع علية

******

احبك واعتذر منك واناسف
جمال بروحك مغربل وناسف
بروحي احط تي ان تي وناسف
وافجرروحي اذا تزعل عليه

*******

الشوك وياك صدفة قابلاني
شيجي منك عليه قابلاني
تقشمرني بضحكتك قابل اني
غشيم وتعبر الضحكة عليه

:و هذي طبعا الكل يعرفهه

اريد ابجي و اخلي دموعي بسطول
عبرت بحور بات العمر بسطول
جثير من الزلم تلكاها بس طول
و انا طولي الحلو شو عم عليه

انا بلياك حتى الماي مرمر
قلب شفاف قلبي و انت مرمر
عجب يرضيك يا خلي اتمرمر
هلي و الناس و الدنيه عليه

شحلو طولك من تمشي وانا اراك
عفا قلبي الحمل ناري و نارك
اذا انت تعب حيلك انارك
عليك اشفه اذا مريت بيه

اريد انهض و ما بالحيل كوه
على شتافي اشيل الثوب كوه
اجاجن يا لحانه الشيب كوه
بعدنه صغار عالهم و الاذيه