قصيدة عيد الحب

بعدك من عفتني بوحشه ضليت
أذكر ضحكتك واصفك بديه

عيد الحب كضيته بوحدي وياي
اعايدني واقدملي الهديه

نص الليل افز وأذكر الراح
ونايم انت ماتعرف اشبيه

سويه ثنين جنه وعدنه فد روح
وماتوصفنه ابد كلمة سويه

هسه شلون اجيلك وانه مجروح
وانت ادره اعتقد من عندي بيه

ماريد انه اذكرك بالمضه وفات
لاتعطف ابد لتحن عليه

اريدك بس اريدك تبقة مرتاح
وربي يحفضك من كل اذيه

انت الحب تضل ياروحي كل عام
وانه ضل الجرح كل عام اليه