اگعد ابيتك احمي تره مو من بره حاميها

من طرف **ملك الحب** الثلاثاء فبراير 26, 2008 9:33 am

[size=21]يكولوك شنطوك العرب
رحت خطار عدهم رجعت داوي
على حسابك جيت وعفت الصغار
وعليك انوب لضموها الكراوي
بس لو مو اكل تبوله وخيار
وفول مدمس وزيتون عاوي
حطيت عالكاع محتار سمع صراح واهات ونعاوي
اذاً عدكم مقابر عدكم اسرار ومثلنه اعدام واشكال البلاوي
وعليك هم ماكو اخبار واجتي لبوش من شعبك شكاوي
نصيحه من المطالب والحرب نار
كافي عاد لدور لغاوي
وسيفك لاترفعه تكول بتار
تره يخبزون اهلك بالخلاوي
وتهد اهل الحواسم تهجم الدار ويصير البوك عدلاً بالتساوي
عاد على كيفك حلل الثار
ميفيدون كل ربعك عتاوي
ما شفت الضروره من صار
وصل ليك السره تره بوش ناوي
تره القذافي عمك قدم اعذار
وحسني وجابرك دفعوا رشاوي
خرب حزب البعث اهداف وافكار
وخلى شعبين عايش عالجداوي
شعاراته جذب ماتحمل اثمار
تعبنه هواي من هاي الكراوي
والله تعبنه هواي من هاي الكراوي
[/size]