اهلا وسهلا بالجميع معنا بمنتدى النخبه على الرابط التالي http://www.jo4ever.com/vb/index.php
اهلا وسهلا بالجميع معنا هنا
http://www.jo4ever.com/vb/index.php

يوميات شاب عراقي (تخرببببب ضحك)

استعرض الموضوع السابق استعرض الموضوع التالي اذهب الى الأسفل

توقيت غرينتش -1س يوميات شاب عراقي (تخرببببب ضحك)

مُساهمة من طرف زائر في الأحد مارس 16, 2008 5:08 am

الروتين اليومي للشاب العراقي بالصيف ( شلون صيف ابد مو حار والواحد نفسه مطايقهه )
1- النهوض باكرا الساعة ب 1:10بالضبط طبعا هذا الوكت يحتاج الى منبه
2- الريوك ملغي واذا اكو بعض الشباب شوية ايحبون بطنهم فلازم ايكون خفيف لعدة اسباب
أ- الجو حار
ب- الوالدة غاسلة القوري مال جاي والغدة جاهز عطباخ والريحة اطخ بالخشم
ج- احسنلك متتريك لان اذا الوالد شافك هيج وكت تتريك راح ايزفك وايكول اكيد سهران عالنت وراح يلغي الاشتراك (الباب الي تجيك منة ريح سدة واستريح ) فراسا اتغدة احسنلك
3- الغدة لازم تتغدة وية العائلة لانه واجب من واجبات الفرد في الاسرة
4- ورة الغدة اكيد ابو المولدة دافع فالوالد متمدد بالهول كدام المبردة وديتفرج بالستلايت ( الامبيرات كلها اله ) واكيد مراح تكدر اتطفي الثلاجة لو المجمدة لان تترزل من الوالدة وتكول متدريدون مي بارد واللحم وهاي الكلاوات فمراح تكدر اتشغل الحاسبة
5- بهيج حالة البنية راح تكوم اتنظف والولد يتمدد لو ايترس مي لو يغسل الطرمة والسيارة على الواهس
6- صارت الساعة ب4 اسعد وكت للشاب العراقي (بقمة السعادة والنشاط ) لان الوالد ايكون غفة على المبردة والوالدة اكيد تعبانة ومحترة فاكيد هم تنام انت شسوي اتفوت للهول على اطراف اصابيعك واتطفي الستلايت وتروح اتطفي اي شي قريب يمك الثلاجة او المجمدة دير بالك اتطفي المبردة لان الوالد راسا يكعد علمود تكدر تفتح الحاسبة وشلع على الحشاشة
7- صارت الساعة ب5 ابو المولد اكيد طفه انت شسوي ركض تشعل الي طفيتة ( ثلاجة او مجمدة والستلايت اهم شي) فانت تروح تنام لان النوم صحة وعافية الظهر حتى لو حارة لان وراك سهرة
8- صارت الساعة ب6:30 العصر اكيد الشاب يوكف بالباب وية ولد المنطقة والبنية ترش الحديقة لو تفرش للعائلة بالسطح اذا اكو نوم بالسطح
9- صارت الساعة ب 9 اكيد هيج وكت ابو المولد يدفع انت شسوي اتروح اطفي بنكة غرفتك والضوة وتكعد على الحاسبة وتفتح ضوة الموبايل لان متشوف الكيبورد
10- العشة اكيد ايكون سريع وبغرفتك (اصيح ما اجي سوولي لفة ما اريد اكل بالهول ) واللفة تجيك عالحاسبة ويها الببسي والاهل كلها تصعد تنام بالسطح
11- والكعدة كعدة ليحد ما ابو المولد ايطفي انت شسوي اتروح ركض تصعد فوك وتكعد اهلك واتكللهم كوموا كوموا صارت طلقات كلش قريبة (علكت بالمنطقة وصديقي خابر كال صار هجوم ) نزلوا نامو جوة (علمود تشغل مولد البيت ههههههههههههههه )
12- انت راح ينكسر خاطرك على العائلة وراح تصعد بنفسك وتضحي بحياتك( مع وجودالطلقات ) وتفتحلهم المولد
13 وراح ترجع اتكمل الكعدة للصبح الى ان يخلص البانزين مال مولد
واكيد الوالد راح ايكول ليش خليتوا المولد للصبح مفتوح اكيد انت جوابك ماخذتني النومة وماادري
وبهيج حالة انت راح تسهر للصبح وية منتدى ورة الحب ومحد يدري بالبيت ونوم العوافي

زائر
زائر


الرجوع الى أعلى الصفحة اذهب الى الأسفل

توقيت غرينتش -1س رد: يوميات شاب عراقي (تخرببببب ضحك)

مُساهمة من طرف ملك العشق في الأحد مارس 16, 2008 6:54 am



مشكوره لهذه الضحكه والبسمه من واقعنا الممتاز
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

_________________
قتلتيني مليون مره فخذي قلبي هديه لكي
ملك العشق
[b][b]

ملك العشق
Admin
Admin

عدد الرسائل : 2287
العمر : 42
تاريخ التسجيل : 12/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

توقيت غرينتش -1س رد: يوميات شاب عراقي (تخرببببب ضحك)

مُساهمة من طرف زائر في الأحد مارس 16, 2008 12:03 pm

شكرا الك ولمروردك لموضوعي ومتابعتك لمواضيعي دائما

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى