عراقيين إحنا

عراقيين احنا ياسامعين الصوت ..... صلـــوا عالنبي من عيون تتحسد

عراقيين احنا ولمحمد نسلنا يعود ..... وبحيدر الكرار وبالفاروق نتعضد

عراقيين احنـــا واليقول يقـــول ..... شهمـّك ياجبل ارتــــاح يـــــامعود

رجال احنا واحنا الي صنعنا رجال ..... وبينا احنــا الفضايـــل بينا تتعدد

عراقيين احنا واحنا للكلفــــات ..... واحنا تفق بالفزعــات وصلي يرعد

وحتى جلابنا لو نبح جلب الجار ..... تهـــز اذيولهـــا للنخـــوة تتـــوجد

عراقيين احنا والاصاله انواع ..... وطبعنـــا الطلـــب منـــا ابـــد ماينرد

عراقيين احنا وبيتنـــا مفتوح ..... ياهالضيف بيت الخير بيه الخير امدد

عراقيين احنا والدلال تفـــور ..... وحتى الدلــّه النـــا بالكـــرم تشهــــد

عراقيين احنا والصواني تجود ..... حـــتى النـــار ملـــّت وهيـــه تتوقد

عراقيين احنا ياسامعين الصوت ...... صلـوا عالنبي من عيون تتحسد





لكل العراقيين و الدول العربيه المسلمه

وافضل والصلاه والسلام على سيدنا محمد وعلى اله وصحبه اجمعين


والف مليون تحيه لك ولكل طفل وشاب وشابه ورجل وامراه بالعراق

والله يرجع العراق كما كان