((**بقلمي..الوطن**))

من طرف **ملك الحب** الثلاثاء فبراير 26, 2008 9:31 am

[size=16]السلام عليكم
شلونكم شكاشيك وشكشوكات
ها قصيده كتبتها
للعراق
فجرت اشتياقي له
وبعدني ما ارتاحيت
اريد اطلع نار
كتلتني عالوطن
بس انه ما اكتب وطني
هواي
لأن
عندي ميول للقصائد العاطفية

و اتمنى تعجبكم هاي القصيده

((**,’الوطن’,**))

يمته يعود الوطن
ويمته اله نرجع

اريد اركب على النيل
وبدجله انبع

وغير اسمك ياعراق
ما اريد اسمع

بالغربه والله ياوطن
نقاوم ونتوجع

يا غربه كافي عاد
يمته نتودع

نريد نرجع للوطن
وبشوفته نتمتع

اريد ارجع وخلي كلشي يصير
خليني اموت خليني اتولع

مو راح يكضي الوكت
خل نرد ونتسرع

خلينا نرجع للوطن
ولشوفته نسرع

قبل مايفوت الاوان
وبعد اله مانرجع

خلي نقول اسم الوطن
وبصوت واحد خلي البشر يسمع

احنا عراقيين ومانهاب الموت
احنه عالجرح نمشي ولا نتوكع

ياوطن خل نرجع
بالغربه بعد مانكدر نجرع

خلينا وسط اللغم
ورد وازهار نزرع

عراقنا واحد
وابد مانتوزع

من الطائفية والجاهلية
احنه هواي اسبع

كافي دموع وكافي كلام
شيفيد الدمع

مافاد شي
واحنه سنين بس ندمع

لازم نرد كلنه سوية
وابد ما نتفرع

وخلي من بصرة لبغداد
كلنه قلب واحد نرجع

*********************

ان شاء الله عجبتكم
القصيده
وبالمناسبه
الحقوق محفوضه الي ولشكو ماكو
يعني
الخماطه من رخصتكم
ياريت متخمطون

تحياتي اخوكم
ملك الحب
[/size]