زائر
زائر
 |  موضوع: يوميات زوج عــراقي  الخميس فبراير 21, 2008 8:51 am | |
| راح احجيلكم حياة الرجال من يتزوج
يكعد المكرود الرجال ساعة بالـ 8 الصبح بعد ما يسمع المنبه
ككووومممم أأأأككككككعععددددد (12 ميكا ريختر) يفز المكرود و يمكز كمزة ما صايرة في تاريخ اولومبيات مقاديشو و يلكة نفسة حاضن البنكة لأنه لكل فعل رد فعل بكدة في المقدار وموغف عليه في الاتجاه
المهم يفوت المسكين للحمام يلكة مرتة مخلصة الماء و كالبه نانسي عجرم و غاسلة الهدوم كلها بالطشت وكله حبيبي قرّب بص و بص بص شامبو و ليفة الغسلة بالف و نص و من هالسوالف
المهم يفتح البوري المكموع يلكة الداونلود مال البوري (344 بايت) و اخر شي يطلع
المهم
يطلع من الحمام و وجة كلة معجون حلاقة تكول بابا نؤيل عتيك ولابس بجامة (بازة مشتريها من شارع سهام العبيدي ) و يكعد يستهدي برحمانه و هناك تكفخ خشمة بجنون ساحق السيحة مال الراحبة العفو قصدي الريحة مال الساحبة أي المهم و يكتشف انه الليدي مرتة حاركة البيض بدرجة ناعلة سلفى سلفاه تطلع المرة ذابة البيض عالتيفال و فالتة تسوي الو ام على ام خضير بمناسبة فوز شذى حسون المهم
يطلع المكموع كرصة خبز صارلها أيام تلوب بالفريز بحيث صايرة مومياء مو خبزة و يعلسها وية أستكان جاي و يولي يبدل
اولا:: ناسية الخاتون تخيط جواريبة اصابع طالعة من الجواريب تكول كولجي و يصد برجله
ثانيا:: حاطة الشيسوار بصف الصوبة الكهربائية بحيث محروك و كام يطلع فسفس مو هوة
ثالثا:: تكرمون الحذاء شامرته بالغلط بالغسالة صاير مقلم اسود و ابيض بسبب التايد (حذاء قديم) فالمكموع عصرة و شرة عالحبل دينتظ ينشف عالشمس ( على حظة المبنجر جانت مغيمة و مطر لبسة منكع تكول لابس سفنجة مو حذاء)
يطلع المسكين يصفك الباب وراه طرااااااخ (هيج من الدنيا هيج من مرتي هب
و يرجع العصر يدك ساعة مثل اليتيم محد يفتحلة (محد لو كلية؟ههههههههه) تطلع الخاتون نايمة و الاخ كاعد ياخذ لوبات بالطرمة تكول دا يكتشفها اول مرة
المهم يدخل يلكة خبرين واحد زين وهو انه الجدورة كلها فوك الطباخ (طباخ 5 عيون علمود الحسد) و الخبر الموزين انه الجدورة نافظين الاكل و تاركيلة اخلص الامنيات بالسعادة و الموفقية (ادري الموفقية اتعمر معدة اتشبع بطن) المهم
يتدعبل الرجال و يتدهدر مثل قبغ الجدر الى اقرب منتجع فلافلي مع ملحقاته عمبة وزلاطة و ياكله 4 لفات فلافل بحيث مو بس يشبع يسكر و يكوم يشوف الواحد ازدحام
اما بالليل فيستمع الى نشرة الاخبار و الحصاد وهي
وديني يم أهلي اريد ليفة حجم عائلي ابنك راح ينحرف ديلعب دعابل لازم اتشوفله جارة
ابنك الصغير يحب بنت الجيران احجي ويا (وج يا بت الجيران عمرة 44 يوم اصبع رجلة الجبير ما يندلة هالمرة بت الجيران)؟؟؟؟ ترجع اتكله ماطول ماكو كهرباء الغيلنا الميزانية؟؟ لو تكلبها بيت مال دجاج و نجيب فد 20 دجاجة انربيها مو احسن؟؟ بيض و احتمال اذا نوعية زينة اتذب كيمر و من هال سوالف ,,,,,المسكين تفتر الدنيا براسة تكول مرجوحة 6 سليندر و يبدي يفكر يقدم بال un لجوء لموزمبيق حتى يخلص منها و من سوالفها ذات الدمار الشامل |
|
ملك الحب
Admin
سجّل في : 12 فبراير 2008
عدد المساهمات : 790
الوسام : 
: مدير المنتدى
| | موضوع: رد: يوميات زوج عــراقي الخميس فبراير 21, 2008 4:28 pm | |
| ههههههههههههههههههه شكرا يابنت الرافدين انشاء الله انشوف الاكثر
 |
|
ملك العشق
Admin
 
العمر : 34
سجّل في : 12 فبراير 2008
عدد المساهمات : 2287
الوسام :
| | موضوع: رد: يوميات زوج عــراقي الخميس فبراير 21, 2008 9:41 pm | |
| هههههههههههههه مشكوره لهذه القصه اليوميه المضحكه والواقعيه 
_________________
قتلتيني مليون مره  فخذي قلبي هديه لكي
ملك العشق
 [b][b] |
|
زائر
زائر
| | موضوع: رد: يوميات زوج عــراقي الجمعة فبراير 22, 2008 12:56 am | |
| ههههههههههههههههههههههه
مشكووووووره عيوني على هاي القصة اللي تموت من الضحك هههههههههه |
|
زائر
زائر
| | موضوع: رد: يوميات زوج عــراقي الجمعة فبراير 29, 2008 5:17 pm | |
| ههههههههههههههههههههههههه
شكرا على الموضوع
بس ترة قصة حياة المرأة بعد اتعس من حياة الرجال ورح احجيلك القصة بل عدد القادم فاصل اعلاني ونعود
تحياتي للجميع |
|
زائر
زائر
| | موضوع: رد: يوميات زوج عــراقي الثلاثاء مارس 18, 2008 8:31 am | |
| | شكرا لمرورك لموضعي وشكرا الك يا ابن العراق البطل وننتظر القصه مالتك بالعدد القادم شكرااااااااااااا |
|
